25.10.2007

“Ֆուրման-90” թիմը “Պատանեկան Լիգայի” 3-րդ տեղում

2007թ. հոկտեմբերի 14-ին կայացավ “Պատանեկան Լիգայի” մինչև 18 տարեկանների առաջնության վերջին մրցափուլը, որը շատ կարեւոր էր “Ֆուրման-90” թիմի համար: Այդ մրցափուլում “Ֆուրման-90” թիմը հանդիպում էր “Շենգավիթ”-90 թիմի հետ Շենգավիթի մարզադպրոցի մարզադաշտում: Հարկ է նշել որ ֆուրմանցիները ցուցաբերեցին գեղեցիկ և տեսարժան ֆուտբոլ, ինչպես նաև կամային բարձր հատկանիշներ: Շատ ուրախալի էր, որ մարզադաշտ եին եկել մեծ թվով “Ֆուրման” ակումբի տարբեր տարիքային խմբերի սաները և քաջալրում եին ակումբի ավագ տարիքի թիմին: Մեր տղաները արդարացրեցին ինչպես երկրպագուների, այնպես էլ ակումբի մարզչական և ղեկավար կազմի հույսերը. խաղը շահելով 2:1 հաշվով, որի շնորհիվ գրավեցին 3-րդ մրցանակային տեղը:

Շնորհավորում ենք “Ֆուրման-90” թիմի ֆուտբոլիստներին, գլխավոր մարզիչ Արթուր Ղազեյանին, բժիշկ Իզոլդա Միքաելյանին և թիմի պետ Մեսրոպ Վարժապետյանին: