26.05.2007

Մեկնարկեց "Ֆուրման Աբրահամյան" ակումբի նախաձեռնած "Մասսայականացնենք եւ զարգացնենք մանկապատանեկան ֆուտբոլը" ծրագիրը

Մայիսի 26-ին Քասախի մարզադաշտում սկսվեց "Մասսայականացնենք եւ զարգացնենք մանկապատանեկան ֆուտբոլը" ծրագրի իրականացումը:

Ծրագիրը ֆինանսավորվում է պետության կողմից` "Հասարակական երկխոսության եւ զարգացումների կենտրոն" ՀԿ ջանքերով: Ծրագրի իրականացման ընթացքում նախատեսվում է կազմակերպել եռօրյա բակային սելեկցիոն մարզումներ Երեւանի Աջափնյակ եւ Դավթաշեն համայնքների 10-12 տարեկան 100 երեխաների հետ:

Հավաքի ընթացքում անցկացվում են մարզումներ եւ խաղեր "Ֆուրմանի" մարզիչների կողմից, ինչը հնարավորություն կտա հայտնաբերել նոր հեռանկարային երեխաների:

Երեխաները մեծ ոգեւորությամբ մասնակցում են միջոցառմանը, նրանց հանձնվել են ակումբի եւ ծրագրի հովանավորների խորհրդանիշներով գլխարկներ, մարզումների ընթացքում կազմակերպվել է նրանց սնունդը եւ տեղափոխումը: Ընդ որում, սննդի կազմակերպման հարցում իր աջակցությունն է ցուցաբերել Աջափնյակի թաղապետարանը:

ֆոտոակնարկ